Вялікдзень і Божае Нараджэнне – найважнейшыя святы ў Літургічным годзе. Каб добра духоўна падрыхтавацца да перажывання гэтых святаў, мы збіраем моладзь разам.
Разважанне Божага Слова, Адарацыя Найсвяцейшага Сакрамэнта і супольная малітва дапамагаюць нам прыблізіцца да таямніц Змёртвыхпаўстання і Нараджэння Пана Езуса Хрыста.

Летам мы збіраемся ў прыгожым Браславе на некалькі дзён і гэта заўсёды асабліва, непаўторна і радасна.
У праграме штодзенная Святая Імша, магчымасць споведзі, Адарацыя Найсвяцейшага Сакрамэнта, цікавыя госці, тэматычныя круглыя сталы, гульні, забавы, евангелізацыйны канцэрт на беразе возера.

Ніхто не можа верыць толькі для сябе, гэтак жа як ніхто не можа жыць толькі для сябе.
Мы будуем супольнасць моладзі, ў якой хочам весці адзін аднаго да святасці.
Падчас сустрэч мы знаёмімся бліжэй, спяваем, гуляем, танцуем, праслаўляем Пана Бога, такім чынам, весела і плённа праводзім час.

Каб увесь час мець кантакт з моладдзю і быць бліжэй on-line, мы стварылі суполкі ў розных сацыяльных сетках, дзе можна прыняць удзел ў рэкалекцыях, пашырыць свае веды Катэхізісу Каталіцкага Касцёла, падзяліцца сведчаннем веры, паглядзець здымкі і відэа з сустрэч, задаць пытанні, а таксама ўнесці прапановы.
Далучайцеся да нас Вконтакте, ў Instagram, Facebook і YouTube.