"Інтэрнэт ёсць дар Божы. Ён дае нам сапраўды бязмежныя магчымасці для чалавечага яднання і праявы салідарнасці", – гаворыцца ў тэксце паслання Папы Рымскага Францыска да паствы з нагоды 50-га Сусветнага дня сацыяльных камунікацый. Камунікацыя "павінна будаваць масты, вылечваць раны і закранаць сэрца", – піша Францыск і заклікае зрабіць сацыяльныя сеткі "прасторай міласэрнасці, што спрыяюць зносінам".
Мы хочам наследаваць словы Святога Айца, таму стварылі адпаведна акаўнты Душпастырства моладзі Віцебскай дыяцэзіі ў сацыяльных сетках.
Вконтакте і Facebook каб дзяліцца з Вамі навінамі, тэкстамі, якія варта прачытаць, песнямі з нашых спатканняў і фільмамі.
YouTube – для таго, каб здымаць для Вас відэа, запісваць рэкалекцыі, канферэнцыі, маліцца разам і працягваць евангелізацыю тады, калі, на жаль, няма фізічнай магчымасці спаткацца.
На нашай старонцы ў Instagram можна паглядзець фотаздымкі і відэа з нашых сустрэч, далучыцца да сумеснага чытання Youcat, прыняць удзел у конкурсах, а таксама хутка даведацца аб галоўных падзеях.

Нязвыклы час радаснага чакання Нараджэння наша Збаўцы Езуса Хрыста, падчас якога мы хочам спаткацца, памаліцца разам і падзяліцца аплаткам.
Аплатак – сімвал прымірэння і прабачэння, знак сяброўства і любові. Дзяленне ім у пачатку Вігілійнай вячэры выражае жаданне быць разам. Сімволіка хлеба мае яшчэ адно вымярэнне: трэба быць добрым, як хлеб, і дзяліцца, як хлеб. Зазвычай, мы ламаем аплатак у сем'ях падчас вячэры перад Пастэркай. Разам з тым, мы хочам гэта зрабіць у супольнасці Душпастрыства моладзі, каб з'яднацца і яшчэ раз падкрэсліць, што Касцёл – гэта сям'я.
На працягу традыцыйная Адвэнтовай сустрэчы адбываецца Святая Імша, дзе з Божым Словам да нас звяртаецца біскуп Віцебскай дыяцэзіі. Таксама ёсць магчымасць падзяліцца сваімі думкамі наконт праслуханай канферэнцыі ў малых групах. Акрамя супольнай малітвы застаецца час каб выпіць гарбаты і пагутарыць з бліжнім.

На постсавецкай прасторы вельмі распаўсюджана традыцыя майскіх пікнікоў падчас дзяржаўных выходных дзён. Як толькі з'яўляецца вольны час, хочацца правесці яго плённа з Панам Богам. Наша Маёўка адбываецца ў Глыбокім, добрае надвор'е і свежае паветра садзейнічаюць адпачынку моладзі.
Сустрэча распачынаецца са Святой Імшы, пазней мы слухаем канферэнцыю. Кожны чалавек, каб усім сваім жыццём абвяшчаць Хвалу свайго Пана і Створцы. У гэтым святле мы павінны разумець слова Святога Ірэнэя, біскупа і мучаніка, які пісаў „gloria Dei homo vivens" – Слава Божая – чалавек, які жыве, жыве ў Яго ласцы, жыве ў сяброўстве з Ім. Гэта значыць, мы можам праслаўляць Бога не толькі праз малітву.
Падчас адпычынку мы таксама хвалім Бога ў простых рэчах, такіх як спеў, забавы, танец, размова з бліжнім, новыя знаёмствы. Менавіта гэтым мы і займаемся на Маёўцы.