Слова «Адвэнт» азначае чаканне , гэта перыяд, які папярэднічае Божаму нараджэнню. Свет чакаў тысячу гадоў прыходу абяцанага Богам Збавіцеля. І нарэшце Ён прыйшоў! Той, хто назаўжды перамог грэх, смерць, стаў "Богам сярод нас".

Існуе такая традыцыя, каб абраць сабе нейкую пастанову. Падумай, можа Адвэнт – гэта час, калі ты не адмовішся ад чагосьці , а наадварот прымеш пастанову нешта рабіць на хвалу Пана і рабіць гэта з радасцю. Больш размаўляць з Езусам, прыкласці намаганне чуць Яго голас і ісці за Ім, бачыць маленькага Езуса ў сваім бліжнім і г.д.

Памаліся за Беларусь. Вызнай Езуса Валадаром нашай краіны.
А яшчэ заахвочваем цябе падзяліцца ў якой-небудзь сацыяльнай сетцы фотаздымкам краявіда нашай захапляючай Беларусі.
Нам будзе прыемна, калі ты адзначыш нас (Душпастырства моладзі Віцебскай дыяцэзіі) і запросіш сяброў да выканання заданняў з гэтага календару.

Падзякуй Айцу за дар твайго паклікання. На працягу дня раскажы каму-небудзь гісторыю твайго навяртання, пра твае адносіны з Езусам, сведчанне ці проста момант з жыцця, калі ты заўважыў дзеянне Бога.

І не забудзь, павіншаваць знаёмых Андрэеў!

Патэлефануй ці сустрэнься з сябрам або родным чалавекам, з якім даўно не размаўляў. Можа ты і маеш ня шмат, але іншаму хопіць каб насыціцца.

Выдалі ў тэлефоне дадаткі, якія бессэнсоўна марнуюць твой час. Паспрабуй замяніць на нешта больш карыснае.

Не бойся адкрываць свае жаданні прад Татам! Не пытайся - Ці Твая гэта воля? Калі гэта добрая справа, то канешне Ён благаслаўляе. Бо хоча шчасця для цябе.
Напішы 3 рэчы, якіх прагнеш і чакаеш ад Госпада. І ўбачыш, як Дух будзе дзейнічаць каб гэта ажыццявіць.

З верай памаліся за хворага чалавека.
Магчыма сёння Езус хоча праз тваю малітву пачаць працэс аздараўлення.

Адмоўся ад ныцця і нараккання.
Апраніся ў славу!
Пазітыўна глядзі на свет.

Паглядзі навокал – хто тыя людзі, якія трымаюць твае насілкі?
Зрабі каму-небудзь з іх падарунак ад Св. Мікалая.

Вызначце якую-небудзь рысу Марыі (можа быць з літаніі) і падзяліцеся ў сацыяльных сетках адзначыўшы нас.
Такім чынам, створым ланцуг малітвы да Маці Езуса!

Нельга заслужыць ці заваяваць Валадарства Нябеснае. Неба пачынаецца ў нас ужо цяпер і зараз. Усё залежыць ад тваіх штодзённых выбараў.

Заўважай, што ты кажаш, якімі словамі карыстаешся, ці л'ецца з тваіх вуснаў благаслаўленне ("блага" - дабро, "слаўленне" - усхваляць)?
Сёння мінімальна 3 асобам зрабі камплемент ці пахвалі за штосьці.

Напішы пісьмо Езусу, за што ты ўдзячны (на працягу гэтага года).

Падзякуй Езусу сёння за ўлады Касцёла.
Прасі Духа аб дар мудрасці для іх.

Займіся сваім целам, паклапаціся аб ім.
Пазаймайся спортам (зрабі трэніроўку, планку, бег, проста зарадку з раніцы)

Заплануй сабе споведзь і добра падрыхтуйся да яе.

Састаў спіс тых, каго ты хочаш павіншаваць з Божым нараджэннем.

Падрыхтуй playlist на перыяд Божага нараджэння.
Каб голас нованароджанага Езуса, не згубіўся сярод непатрэбнай мітусні.

Паспрабуй прыгатаваць свой хлеб ці нейкае смачнае печыва.