Каб быць гатовым на прыйсце Езуса Хрыста, ачысці сваё сэрца ад граху – распачні Адвэнт са шчырай споведзі.

Звярні ўвагу на бліжняга. Напэўна хтосьці менавіта цяпер патрабуе твайго цяпла і падтрымкі. На працягу сённяшняга дня скажы нешта прыемнае 3 асобам.

Сёння памаліся прынамсі дзясятку ружанца ў інтэнцыі ненароджаных дзяцей, якія знаходзяцца ў небяспецы аборту. Папрасі аб дары любові і адвагі для бацькоў, каб яны пакінулі свайму дзіцяці жыццё.

Ахвяруй свой час і правядзі яго з блізкімi людзьмі: сябрамі альбо з сям'ёй. Прыгатуйце добры пачастунак, пагутарце, адпачніце разам.

Прыпомні сабе, якія дабрадзействы ўчыніў Пан Бог у тваім жыцці, за якія дары ты хочаш Яго праславіць. Падзякуй Стварыцелю за Яго пастаянную прысутнасць.

Заклікаем да малітвы псальмам з сённяшняй Літургіі Слова:
Пс 118 (117), 1 і 8–9. 19–21. 25–27а

Адкажы на наступнае пытанне: Ці кожная сфера твайго жыцця з'яўляецца адкрытай на ласку Пана Бога? Можа, існуюць пэўная праблемы, якія ты ўвесь час стараешся вырашыць самастойна, бо табе выдаецца, што толькі ты выдаеш, як будзе лепей.

Давер – гэта падстава адносін з Богам. У малітве ахвяруй Яму ўсё жыццё, кожны выбар, кожную думку і праблему.
Усялякі свой клопат ускладзіце на Яго,
бо Ён клапоціцца пра вас.
1 Пётра 5, 7

Мы, хрысціяне, пакліканыя да пашырэння Божай Ласкі і Любові на ўсёй зямлі. Таму сёння заахвочваем цябе падзяліцца ў якой-небудзь сацыяльнай сетцы тваім любімым фрагментам Слова Божага.
Нам будзе вельмі прыемна, калі ты пажадаеш адзначыць старонку Душпастырства моладзі Віцебскай дыяцэзіі і запросіш сяброў да выканання заданняў з гэтага календару.

Сёння памаліся за людзей, якіх табе цяжка прыняць, з якімі ты не можаш збудаваць добрых адносінаў, папрасі Хрыста аб дапамозе ў гэтай справе.

За нашымі найвялікшымі страхамі часта знаходзяцца найцудоўнейшыя і найпрыгажэйшыя справы. Калі чагосьці баішся – ідзі ў гэта. Самае вартае ў нашым жыцці каштуе высілку, у тым ліку і нашай барацьбы з уласнымі сумненнямі і страхам.
Напішы, калі ласка 4-5 спраў альбо ўчынкаў, якія ты баішся здзейсніць цяпер або ў перспектыве 1-2 гадоў. Напрыклад: распачаць чым-небудзь займацца, бо саромеешся; выбраць ВНУ, якая здаецца не тваім узроўнем; увайсці глыбей у адносіны з пэўнай асобай, бо баішся ёй даверыцца.
А потым падумай, што фантастычна цудоўнага можа стацца, калі ты адважышся гэта зрабіць.

Сёння мы абходзім урачыстасць Беззаганнага Зачацця Найсвяцейшай Панны Марыі. Прысвяці хаця б адзін дзень у гэтым тыдні, каб прыняць удзел у Раратах. Падзякуй Найсвяцейшай Панне Марыі за яе згоду прыняць Божую Волю.

Пан Бог з вялікай любові прагне дапамагаць людзям. Яго рукамі і нагамі на зямлі з'яўляемся мы. Таму сённяшнім заданнем будзе дапамога таму, хто "стаміўся". Патэлефануй да знаёмага, з якім шмат часу не спатыкаўся, або дамоўся аб сустрэчы. Галоўная мэта – звярнуць увагу, падтрымаць яго, каб пачуў сябе патрэбным і любімым, можа быць, гэтая асоба патрабуе дапамогі словамі, малітвай, учынкам.

Ян Хрысціцель – гэта прыклад рашучасці ў любові да Пана Бога, прыклад вернасці. Прыпомні сабе момант з твайго жыцця, калі сэрца гаварыла табе зрабіць штосьці добрае, а ты не пайшоў за гэтым жаданнем. Пастарайся нагнаць упушчанае.

Запішы ўсё, што атрымалася рэалізаваць у гэтым годзе, чым ты ганарышся, што змяніў у сабе на лепшае, усе поспехі, якіх ты дасягнуў. Падзякуй Пану Богу за справы і поспехі гэтага году, за Яго дапамогу.

У гэты дзень хочам заахвоціць цябе да малітвы за нашу Радзіму псальмам з Літургіі – Пс 80 (79), 2аc і 3b. 15–16. 18–19 (Р.: 4), каб Добры Бог даў нашаму народу вольнасць, шчасце і супакой.

Мы жывём у свеце, у якім прызвычаіліся да прагнення хуткага рэзультату: хутка схуднець, у імгненне вырашыць усе праблемы і перамагчы ўласныя грахі. Сябра, Пан Бог есць цярплівы, і ты будзь цярплівы да сябе. Сёння зрабі штосьці прыемнае з любові да сябе: паглядзі фільм, з'еш што-небудзь смачнае, ідзі на шпацыр – тое, што ты любіш.

Пазнаваць Божую волю мы можам між іншым праз чытанне Божага Слова. Божае Слова – гэта не проста кніга, гэта жыццё. Прысвяці пэўны час сённяшняга вечару чытанню Бібліі.

Мы часта забываем аб тым, што словамі можна як блаславіць, так і праклінаць. Варта дбаць аб чысціні ў маўленні. Звярні ўвагу на тое, якія словы ты выкарыстоўваеш у штодзённасці. Пастарайся прынамсі ў гэты дзень, каб твае вусны былі "чыстымі".

Ці Бог сапраўды на першым месцу ў Тваім жыцці? Ці можа часам ролю Бога прымаюць вучоба, сябры, праца? Папрасі Нябеснага Айца, каб Ён дапамог правільна расставіць прыярытэты і ісці да святасці.

Большасць з нас паклікана да жыцця ў сужэнстве. Сёння заахвочваем Вас да малітвы ў інтэнцыі каханага альбо каханай, будучай/будучага мужа альбо жонкі.

Падумай, хто ў тваім жыцці быў свяцільнікам, хто дапамагаў табе ў пазнанні Бога, хто "абаграваў" цябе і падказваў добры кірунак. Падзякуй гэтаму чалавеку за ўсё, што ён для цябе зрабіў. Напэўна яму будзе не толькі прыемна, ён атрымае натхненне на працяг гэтай добрай справы.

Заахвочваем памаліцца Вяночак да Божай Міласэрнасці ў інтэнцыі бясплодных жанчын, а таксама жанчын, якія чакаюць нараджэння дзіцяці, каб Добры Бог даў ім ласку быць маці.

Заўваж, як прыгожа Пан Бог стварыў свет. Сёння, нядзельным днём, выйдзі на шпацыр, гэта добры спосаб адпачыць і расслабіцца. Паназірай за хараством прыроды і падзякуй Стварыцелю за ўсё, што ўбачыш.

Праз увесь час Адвэнту мы разам духоўна прыгатоўваемся да Божага Нараджэння, аднак не можна забываць аб зямных справах. Ствары ў дому атмасферу свята: займіся ўборкай, упрыгож елку, павесь гірлянду альбо зрабі штосьці на сваё меркаванне.

З усіх ласкаў, якія ты хочаш атрымаць ад Пана Бога, выберы адну, і сёння шчыра памаліся ў гэтай інтэнцыі.

Як мы можам спазнаць дарогі Пана, Яго волю? Слухаючы Яго!
Волю Бога мы можам пазнаць праз сукупнасць наступных спосабаў:
1. Божае Слова. Адказ на ўсе пытанні, якія могуць узнікнуць. Трэба толькі ведаць дзе менавіта шукаць. Таму варта пазнаваць Біблію.
2. Нашы ўнутранныя натхненні. У нашым духу жыве Бог. Уваходзячы праз малітву штораз глыбей у сябе, ты напэўна знойдзеш адказ на свае пытанні. Паказчыкамі такога кантакту з Богам будуць пачуцце супакою, радасці і напоўненасці.
3. Падзеі нашага жыцця. Бог – найлепшы рэжысёр. Розныя, выдавалася б прыпадковыя падзеі, чыесьці словы могуць падказваць нам правільны шлях. Трэба толькі гэта заўважаць.
Спрабуй задаць пытанне Пану Богу, якое цябе хвалюе, запытай чаго Ён прагне ад цябе, як ты павінен паступіць у канкрэтнай сітуацыі і слухай, што Ён адкажа, з дапамогай вышэйшай падказкі.

Даражэнькія, сёння апошні дзень Адвэнту і апошняе заданне. Дзякуем усім, хто прымаў удзел у гэтай маленькай прыгодзе. Калі вы хочаце падзяліцца сваімі перажываннямі, досведамі пішыце да нас, feedback – заўжды важна і прыемна.
Дык вось, заданне: ва ўсёй перадсвяточнай мітусні на забыць аб сутнасці Божага Нараджэння. Нясіце радасць і любоў у вашым блізкім, у вашы сем'і, бо наш Збаўца, Сын Божы нарадзіўся!